N-I/A-15 (AT Sistema)
Zer den
AT Sistema Gipuzkoak 1999/62/EE Europako Zuzentarauari emandako erantzun aitzindaria da Gipuzkoako Foru Aldundiaren eta N-I eta A-15 errepideak erabiltzen dituzten salgaien garraiolarien artean ahalmen handiko bi bide horiek modu partekatuan mantentzeko.
Arku zein banderatxoetatik igarotzean, eta abiadura murriztu beharrik gabe, sistemak salgaiak garraiatzeko 3,5 t-tik gorako ibilgailua detektatu eta sailkatzen du eta kobratu egiten dio, barruan daraman VIA-T gailu bateragarria edo matrikula irakurrita.
AT Sistemaren helburuak:
Nola funtzionatzen duen
- Sistemak ibilgailua detektatzen du eta laser-irakurgailu baten bidez ibilgailua sailkatzen du.
- Aldi berean, matrikula-irakurgailu batek aurreko matrikula hartzen du.
- Ibilgailuak TAG (Via T) gailu bat badu, antena-sistema bat harekin komunikatuko da eta automatikoki identifikatuko du. Bestela, matrikula irakurrita identifikatuko du.
- Datu horiekin guztiekin, AT Sistemak iraganbidea kobratuko du, ibilgailua gelditu beharrik gabe eta inolako transakzio fisikorik egin gabe.
- Azkenik, ataria igarota, sistemak atzeko matrikula hartuko du. Irakurketa bikoitz horrek datuen irmotasuna ziurtatzen du.
AT Sistemak nola funtzionatzen duen
Norentzat den
Non
2023ko urtarriletik aurrera, AT Sistema Gipuzkoako A-15 eta N-I errepideetako bide zati guztietan ezartzen da.
Bi errepide horietarako sarbide-irteera guztietan matrikula irakurketa-puntuak ezarri dira erabiltzaile bakoitzak egiten duen ibilbidea kalkulatzeko.
Alta AT Sisteman
Kanona eta ordainbidea
Kanona
Kilometroko prezio bat dago ezarrita (BEZa barne), ibilgailuaren kategoriaren arabera:
Gipuzkoako 2023. urterako Aurrekontuen Foru Arauaren arabera, 2023ko urtarriletik aurrera aipatutako tarifen gainean deskontu-ehuneko desberdinak aplikatzen dira, honako hauen arabera:
- Ibilgailuaren EURO emisioa
- Egindako igarotze kopurua