AT Sistema da Gipuzkoak emandako erantzun aitzindaria N-Ieko eta A-15eko azpiegiturak mantentzeko gastuak Gipuzkoako Foru Aldundiaren eta gaitasun handiko bi errepide horiek egunero zeharkatzen dituzten salgaien garraiorako ibilgailuen artean ordaintzeko Europako 2011/76/UE zuzentarauari.
Sistema adimendun berritzaile honen bidez, ibilgailuak arkutik pasatzen direnean, eta gelditu beharrik edo abiadura jaitsi beharrik izan gabe, salgaien garraiorako 3,5 tonatik gorako ibilgailuak detektatzen eta sailkatzen dira, eta bidesaria kobratzen zaie VIA-T gailuaren bidez edo matrikula irakurrita.
AT Sistemarekin bi helburu lortuko ditu Gipuzkoak:
- Gipuzkoa, Irundik Etzegarateko portura, N-Ietik egunero zeharkatzen duten kamioi astunek errepidea mantentzen laguntzea (gaur egun gipuzkoarrek bakarrik finantzatzen dute zergen bidez).
- Kamioietako batzuk AP-1/AP-8ra bideratzea eta, era horretara, N-I errepideak jasaten duen zirkulazioa arintzea, errepide horrek zeharkatzen dituen Gipuzkoako herrietako milaka gipuzkoarren eguneroko mugikortasunari eragiten baitio.
AT Sistema 2018ko urtarrilean jarriko da indarrean.