Euskara | Castellano

AT SISTEMA

Estás en:

Ohiko galderak

Zer da kobratzeko sistema berria?

AT da Gipuzkoako Foru Aldundiak N-I eta A-15 errepideetako zati batzuetan 3,5 tonatik gorako ibilgailu astunentzat ezarri duen bidesari-sistema. Europan zeharreko sareak erabiltzegatik bete beharreko Europako 2011/76/UE Zuzentaraua aplikagarria dena.

Nork erabakitzen ditu tarifak?

Gipuzkoako Batzar Nagusiek, Gipuzkoako Foru Aldundiak proposatuta.

Nola erabakitzen da ordaindu behar den tarifa edo kanona?

Kanonaren zenbatekoa azpiegituraren kostuak berreskuratzeko printzipioaren arabera erabakitzen da. Azpiegitura eraikitzeko kostuekin eta ustiatu eta mantentzeko kostuekin lotuta dago bereziki.

Non aurkitu dezaket informazio gehiago?

Informazio osoa eta etengabe eguneratua izango duzu Bidegiren www.bidegi.eus webgunean, Erabiltzailearentzako Arreta Zerbitzuan info@bidegi.eus postontziaren bidez edo +34 943 105 106 telefono-zenbakira deituta.

Nola funtzionatzen du kobratzeko sistema berriak?

Ibilgailua arkutik pasatzen denean, eta gelditu beharrik edo abiadura jaitsi beharrik izan gabe, salgaiak garraiatzen dituen 3,5 tonatik gorako ibilgailua detektatzen eta sailkatzen du AT sistemak, eta VIA-Trekin bateragarria den ibilgailuko TAG gailuaren bidez edo matrikula irakurrita kobratzeko sistema aktibatzen du.


Sistemak automatikoki aplikatzen du tarifa egindako distantziaren (arku ezberdinetatik pasatzea) eta ibilgailu astunaren kategoriaren (astuna 1: 3,5 tonatik gora eta 12 tn artekoa; astuna 2: 12 tn-tik gorakoa) arabera.

Nola ordaintzen da barrerarik ez badago?

Ibilgailuak Via-T bateragarri bat badu, kargua gailura automatikoki egiten da. Via-T ez badu, matrikula erregistratu eta ibilgailua kreditu-txartel batekin lotu beharko da Bidegiren www.bidegi.eus. Webgunean. Erregistro hori 2017ko abenduan egongo da erabilgarri.

Nork ordaindu behar du?

Salgaiak garraiatzeko erabiltzen diren eta 3,5 tonatik gorako pisua edo hortik gorakoa duten ibilgailu astunek.

Nola sailkatzen da ibilgailuaren kategoria?

Arku bakoitzak duen laser sistemak ibilgailuaren bolumena detektatzen du eta bere kategoria sailkatzen du.

Zenbat tarifa-mota daude?

7/2016 Foru Arauaren arabera, bi tarifa-mota daude. Astunak 1: 3,5 tonatik gora eta 12 tona arteko kamioentzat; Astunak 2: 12tonatik gorako kamioentzat.

Deskonturik egiten al zaie Gipuzkoako edo Euskadiko garraiolariei?

Ez, 7/2016 Foru Arauak, jatorriaren arabera kamioia ezin dela diskriminatu adierazten duten Europako zuzentarauak betetzeko, ez du deskonturik aurreikusten.

Eta kamioi ekologikoek, esate baterako Euro 6 kamioiek, ba al dute?

Oraingoz ez da aurreikusi era horretako deskontuak ezartzea.

Autobusek ordaindu behar al dute N-Iean zirkulatzeagatik?

Autobusek ez, salgaiak garraiatzeko ibilgailu astunek bakarrik.

Autobusek zergatik ez dute ordaindu beharrik?

Europako 2011/76/UE Zuzentarauaren 2. artikuluan jartzen du salgaiak garraiatzeko ibilgailuek ordaindu behar dutela, eta autobusak pertsonak garraiatzeko ibilgailuak dira.

Zein bidetan aplikatzen da kobrantza-sistema berria?

N-I eta A-15 errepideetako ondorengo hiru zatietan:



  • «A-15 Nafarroa-Gipuzkoa autobidea», Andoaingo Bazkardoko lotunetik hasi eta bukaera arte, AP-8 eta GI-41 errepideen Astigarragako lotunera arte.

  • «N-I Madril-Irun errepidea», Andoaingo hegoaldeko lotunetik hasi eta Andoaingo iparraldeko lotunera arte.

  • «N-I Madril-Irun errepidea», Nafarroako mugatik, Etzegaratetik, hasi eta Idiazabalgo hegoaldeko lotunera arte.

Nola jakingo dut ordaindu beharreko ahalmen handiko bide batetik pasatu behar dudala?

Kanona kobratuko duten zatiak behar bezala seinalatuta daude arkuak zeharkatu aurretik, Bidegiren webgunean eta 7/2016 Foru Arauan.

Nola jakingo dut zenbat ordaindu behar dudan ordaindu beharreko ahalmen handiko bide batetik pasatzen naizenean?

Ibilgailu-mota bakoitzaren tarifaren zenbatekoa kobrantza guneetako (arkuak) informazio-paneletan, Bidegiren www.bidegi.eus webgunean eta 7/2016 Foru Arauan jartzen du.

Kamioi batek N-I errepidean ordaindu behar duen bidesaria autobidean ordaintzen duenaren berdina al da?

Autobidea erabiltzaileek ordaintzen eta mantentzen dute, osotasunean, eta N-I Gipuzkoako zergadun guztiek ordaintzen dute, erabiltzaileak izan edo ez izan. Irundik Etzegaratera bitartean dauden arkuen helburua da errepidea mantentzen laguntzea ahalmen handiko azpiegitura hori erabiltzen duten salgaien garraiorako ibilgailuek ere.

Zergatik ordaindu behar da orain arte doakoa zen bide bat?

Neurriak bi helburu ditu:



  • Gipuzkoa, iparraldetik hegoaldera, N-Ietik egunero zeharkatzen duten salgaien garraiorako ibilgailu astunek errepidea mantentzen laguntzea (gaur egun gipuzkoarrek bakarrik finantzatzen dute zergen bidez).

  • Kamioietako batzuk AP-1/AP-8ra bideratzea eta, era horretara, N-I errepideak jasaten duen zirkulazioa arintzea, errepide horrek zeharkatzen dituen Gipuzkoako herrietako milaka gipuzkoarren eguneroko mugikortasunari eragiten dionez.

Kobrantza-sistema gainerako ibilgailuetara hedatuko al da (arinak, etab.)?

Ez. 7/2016 Foru-Arauak. ezartzen du salgaiak garraiatzeko erabiltzen diren eta 3,5 tonatik gorako pisua duten ibilgailuei kobratuko zaiela kanona Irun, Andoain eta Etzegarate artean.

N-Iean ezartzeaz gainera, ba al dago AT sistema Gipuzkoako beste errepideren batean ezartzeko asmorik?

Eraikitzen ari diren GI-632 errepidean ere aurreikusten da antzeko sistema ezartzea ibilgailu guztientzat.

Une honetan VIA-Trekin bateragarria den TAG gailu bat dut. Zerbait egin behar al dut?

Ez daukazu ezer egin beharrik, nahikoa da gailua behar bezala kokatuta izatea ibilbide osoan. Kanona automatikoki ordaintzen da, ordainpeko barreradun autobide konbentzionaletan egiten den bezala.

TAG gailu guztiak al dira bateragarriak AT sistemarekin?

Gaur egun Via-T gailu guztiak dira bateragarriak, eta hala izango dira Bidegik etorkizunean adostuko dituen TAG gailu guztiak ere.

Bidegin alta emandako TAG gailu bat badut, jasoko al dut N-I errepidean zirkulatzeagatik ordaindutakoaren faktura?

Faktura Bidegik emango du zein egunetan, zein ordutan eta zein zatitatik zirkulatu den zehaztuta, eta AP-1/AP-8 autobideko fakturak erabiltzaileen esku jartzen dituen modu berean.

Via-Trekin bateragarria den TAG bat ez badut, nola erregistratuko naiz?

Bidegiren www.bidegi.eus webgunean erregistratu ahal izango zara 2017ko abendutik aurrera.

Alta eta erregistroa berehalakoak al dira?

Bai. Erregistroa berehala egingo da ordaintzeko era zuzen sartu ondoren.

Errepidean ibilgailua erregistratu gabe zirkulatu badut, zenbat denbora dut alta emateko errekargua aplikatu aurretik?

Nahitaezkoa da alta ematea eta erregistratzea Via-Trekin bateragarria den TAG gailu bat ez baduzu. Arkuetatik pasatu bazara, 24 orduren barruan egin behar duzu erregistroa. 24 orduak igaro ondoren egiten baduzu, egindako bide-zatiaren zenbatekoari dagokion errekargua aplikatuko zaizu 7/2016 Foru Arauan ezarritakoari jarraituz.

Zertan oinarritzen da errekargua aplikatzeko?

7/2016 Foru Arauaren 9. artikuluan hauxe jartzen du: “Bide azpiegitura erabiltzerakoan kanona ordaintzen ez bada, kanona kudeatzeko erakundeak egin beharreko izapideak egingo ditu, kanona errekarguarekin kobra dadin.

Zer gertatzen da, zirkulatu ondoren erregistratu ez banaiz eta ordaindu ez badut?

Igarotzea egin den datatik bi hilabete igaro badira zorra ordaindu gabe, Gipuzkoako Foru Aldundiak zigor espedientea irekiko du, eta, premiamenduko prozedura bidez, zorra kobratuko du; zenbateko horretan sartuta egongo da ordaindu gabeko kudeaketa errekargua”.

Nola ordain dezaket zorra?

Bidegiren www.bidegi.eus. webgunean aurkituko duzun ordainketa-pasabidearen bitartez.

Zer gertatuko da ordaintzen ez badut?

1/2006 Foru Dekretu Arau-emailean, Gipuzkoako bide eta errepideen Foru Arauaren testu bateratua onartzekoan, jartzen duenez, adierazitako kanona ez ordaintzea arau-hauste administratiboa da. Falta arina izango da behin ordaintzen ez bada, eta zigorra 150 eta 1.999 euro artekoa izango da; berriz ordaindu gabe uzten bada, falta larria izango da, eta zigorra 2.000 eta 7.999 euro artekoa. Berriz egindako falta larriak falta oso larriak izan daitezke, eta zigorrak 8.000 eta 150.000 euro artekoak.

Gipuzkoa.net atariaren hasierako horrialdea. Leiho berri batean irekitzen da.

© 2016 Gipuzkoako Foru Aldundia

Asti Auzoa nº 631 (38. irteera-Salida nº 38) 20800 Zarautz

Administrazioko Tel.: 943 31 13 01